carinan wisa dixwazim bigirîm

dibêjim bigirî dilê min bigirî
bi têra xwe bigirî
heta sibê bigirî
paşê tu têyî bîra min

hêrs dibim
diqehirim
kufirek dikim
‘’fahişeya herkesî’’
Nifirek dikim
‘’Xwedê bela xwe bide te’’
cixareyek dikişînim
qedehek araq vedixwim
li stêrkan dinêrim
destên xwe dinêrim
serê xwe ditewînim
dîsa dixwazim bigîrim
dîsa dîsa dîsa lê çênabe
malkambaxê
fêm dikim ku
bi te jî tenê me bê te jî
bi te jî ne bextewar im bê te jî
bi te jî belengaz im bê te jî…

Helbest:Occo Mahabad

The post carinan wisa dixwazim bigirîm appeared first on İsme Özel Şiir.

ji min re nameyekê binivîse
bila di nav de
rondikên çavên te hebin
ez ê bi rondikên te re biaxivim
ew ê ji min re êşên hesretên te vebêjin

ez ê herroj rondikek vexwim
êşên xwe
hesretên xwe ji bîr bikim…

ji min re nameyekê binivîse
bila di nav de porên te yên jêkirî hebin
ez ê porên te belav bikim bayê sibehê
biçim kuderê 
bêhna porên te wê bi min re be
ez ê bi bêhna te dilê xwe şa bikim

ji min re nameyekê binivîse
bila di nav de destmalek hebe
wê destmalê lêxe bedena xwe ya nazenîn
ez ê herşev di bedena xwe de te hîs bikim
ez ê bi desmala te ve
xwe ji nû ve biafirînim

ji min re nameyekê binivîse
bila di nav de
çavên te yên melûl
destên te yên biçûk
lêvên te yên agirî hebin
bila di nav de
êşên te 
hesretên te
hezkirinên te hebin

ji min re nameyekê binivîse
bila di nav de tew tu hebî
ez ê her û her te bixwînim
te bibînim 
te hîs bikim….

Helbest:Occo Mahabad

The post hesretên xwe ji bîr bikim appeared first on İsme Özel Şiir.

Helbest:Occo Mahabad

The post dayê dayê qurbanê appeared first on İsme Özel Şiir.

weyy delal weyy delal…

weyy delal weyy delal
evîna me klamek bû
çiqas bihata gotin 
min têr nedikir

çiqas bihata lêxistin 
min sermest û dîn dikir
weyy delal weyy delal
devê te şekirek bû
çiqas bihata mijandin
min têr nedikir
çiqas bihata gezkirin
min serxweş û dîn dikir
weyy delal weyy delal
min digot tu dilê min î
min digot tu jiyana min î
ha min digot min digot…
weyy kubara min weyy
weyy nezana min weyy
eşqa me rûbarek bû
çiqas biherikiya
ewqas mezin dibû
weyy min digot
derdê min tu yî
weyy min digot
emrê min tu yî
weyy delal weyy delal
tu delala min î
weyy delal weyy delal
tu nezana min î..

]Helbest:Occo Mahabad[

The post Weyy Delal Weyy Delal appeared first on İsme Özel Şiir.

Gewrêêêêêê……
ji min re nebêje êş çi ye
êş tu yî
tu…
biçim kuderê êşên te hene tu heyî

biçim kuderê êşên te êş didin min…
Gewrêêêêêê….
ji min re nebêje birîn çi ye
birîn tu yî 
tu…
biçim kuderê birînên te hene
tu heyî…
biçim kuderê birînên te min dixeniqînin…

Helbest:Occo Mahabad

The post Gewrê appeared first on İsme Özel Şiir.

Ev bû…

Bajarekî şewitandî
Mirovên kuştî
Der û dorên bombekirî
Evînên qedexekirî

Ev bû jiyana min
Ji ber hezkirinekê 
Min dikirin Îsa 
Dihatim kevirkirin
Li nava meydanê dadiliqandin
Bi gunehên hezar salan dihatim sûcdarkirin
Ji ber sewdayekê
Li nava meydanê dihatim şewitandin
Civatek bi kuştina min xwe paqij dikir

Helbest:Occo Mahabad

The post Ev bû appeared first on İsme Özel Şiir.

Kuştin…
Rojek
Me hev kuşt
Çima
Çawa
Kengê

Nizanim
Lê
Rojek
Me hev kuşt
Min çivîkên dilê wê
Wê qaqlîbazên dilê min kuşt…

Helbest:Occo Mahabad

The post Kuştin appeared first on İsme Özel Şiir.